მთელ საქართველოს მინდა მივულოცო, მოსახლეობამ გაიმარჯვა და არ ჩატარდა გარყვნილების პროპაგანდა - პრაიდი“ - ეს განცხადება გურამ ფალავანდიშვილმა გააკეთა. დაჯგუფება, რომელიც „თბილისი პრაიდის“ გამართვას აპროტესტებს, ხელმოწერების შეგროვებას იწყებენ.
როგორც გურამ ფალავანდიშვილი აცხადებს, ხელმოწერების შეგროვების შემდეგ, ისინი პარლამენტს კონკრეტული კანონის მიღების მოთხოვნით მიმართვას გეგმავენ. მისი განცხადებით, კანონით უნდა აიკრძალოს "ჰომოსექსუალიზმის ნორმად გამოცხადება".
„ვგეგმავთ უპრეცედენტო რაოდენობის, მილიონნახევარი ხელმოწერის შეგროვებას. როცა შევაგროვებთ მას, მერე დავდგებით პარლამენტთან და არ დავიშლებით მანამ, სანამ არ მივიღებთ კანონს. კანონით გვინდა, აიკრძალოს ჰომოსექსუალიზმის ნორმად გამოცხადება, სკოლებში სწავლება ამის შესახებ ასევე ჰომოსექსუალებს აეკრძალოთ პედაგოგად მუშაობა, ჯარში მსახურობა და მთავრობაში მუშაობა,“ - განაცხადა გურამ ფალავანდიშვილმა.
ფალავანდიშვილი ამბობს, რომ ამიერიდან ვაკის პარკში შეიკრიბებიან.   
მართლმადიდებელ მშობელთა კავშირის წევრი აცხადებს, რომ ხელისუფლებას ვადას ოქტომბრამდე უწესებენ. მისი თქმით, თუ მათი მოთხოვნები არ დააკმაყოფილდა და პარლამენტი შესაბამის კანონზე მუშაობას არ დაიწყებს, ოქტომბრიდან მასშტაბური აქციები დაიწყება.