დღეს, 19 ივლისს, პარტია „გამარჯვებული საქართველოს ლიდერი, ირაკლი ოქრუაშვილი, ტელეკომპანია „რუსთავი 2“-თან დაკავშირებით თბილისის საქალაქო სასამართლოში სარჩელს შეიტანს. ინფორმაციის პარტიის პრესსამსახური ავრცელებს.

პრესსამსახურის ცნობით, აღნიშნულთან დაკავშირებით განცხადებას დღეს გააკეთებს პარტია „გამარჯვებული საქართველოს“ ერთ-ერთი წევრი ანა რეხვიაშვილი.

ჯერჯერობი უცნობია, თუ რას ეხება კონკრეტულად სარჩელი.

მანამდე ირაკლი ოქრუაშვილმა სოციალუ ქსელში გამოაქვეყნა პოსტი, სადაც ის ამბობს, რომ არ დათმობს მოთხოვნას „რუსთავი 2“-თან დაკავშირებით.

"სულელად კი გთვლი, მაგრამ მაინც არ მგონიხარ ასეთი სულელი.

სხვა რამე გინდა აშკარად და სხვა ტიპის გზავნილია კობას დაჭერა.

სამი წელია ჩემი და შენი "შნირის" (ადრე ჩემი იყო სამწუხაროდ) ხალვაშის დავა რუსთავი 2-ზე სასამართლოში თაროზე გაქვს შემოდებული. ჯერ შოთაძე მეხვეწა შენი სახელით, დაგვითმე რუსთავი 2-ის მოთხოვნაო, მერე ექსპერტიზაში წელე საქმე, ეხლა მოსამართლე გამომიცვალე სამი დღის წინ და მაგით მოიგე დრო.

და რა მოიგე ჯამში? ვერაფერი, იმიტომ რომ მაგას არ დაგითმობ. არც კოშაძის დაჭერით და არც სხვისი. რიგით ჟურნალისტებს ვაჩუქებ და შენ არ მოგყიდი. ერთი რამის გამო - ბოროტება გახდი იმ ქვეყნისთვის სადაც ჩემმა შვილებმა მინდა, რომ იცხოვრონ", - დაწერა ოქრუაშვილმა.