პორტუგალიაში ტყის ხანძრის შედეგად 30 ადამიანი დაშავდა
სულ მცირე 30 ადამიანი დაშავდა პორტუგალიაში ტყის ხანძრის შედეგად.
ხანძარი შაბათს ვილა-დი-რეის მუნიციპალიტეტში დაიწყო, შემდეგ კი მეზობელ მუნიციპალიტეტ მასანში გავრცელდა.
სახანძრო სამსახურის ცნობით, ვითარება რთულია, რასაც უფრო ართულებს მაღალი ტემპერატურა და ძლიერი ქარი. ხანძრის ქრობის ოპერაციაში 800-ზე მეტი მეხანძრე მონაწილეობს.
მედიის ცნობით, ერთ-ერთი დაშავებულის მდგომარეობა მძიმეა.
ხელისუფლება ხანძრის გაჩენის მიზეზებს იძიებს, არ გამორიცხავენ, რომ ამის მიზეზი ადამიანის დაუდევრობაა. პოლიციის ინფორმაციით, დაკავებულია ერთი ეჭვმიტანილი.
