ირანში აცხადებენ, რომ აშშ-ის ცენტრალური სადაზვერვო სააგენტოს 17 ჯაშუში დააკავეს
ირანული მედიის ცნობით, ხელისუფლებამ ჯაშუშური ქსელი გაანადგურა, რომელშიც 17 ადამიანი იყო გაწევრიანებული.
ირანის ეროვნული უსაფრთხოების სამინისტროში აცხადებენ, რომ დაკავებულები აშშ-ის ცენტრალური სადაზვერვო სააგენტოს სასარგებლოდ მუშაობდნენ. მედიის ცნობით, მათ განაჩენი უკვე გამოუტანეს, ზოგიერთ მათგანს სიკვდილით დასჯიან.
დაკავებები ბოლო ერთი წლის განმავლობაში მიმდინარეობდა.
დაკავებების შესახებ ცნობილი ირანსა და აშშ-ის შორის გამწვავებული ვითარების ფონზე გახდა.
