ივანიშვილმა გასცა უშუალოდ ბრძანება ანზორ ჩუბინიძის მეშვეობით, რომ დაერბიათ მომიტინგეები.  ამის შესახებ ამის შესახებ მოძრაობა „გამარჯვებული საქართველოს“ ლიდერმა, ირაკლი ოქრუაშვილმა, თბილისის საქალაქო სასამართლოში 20-21 ივნისის მოვლენებთან დაკავშირებით დაწყებული გამოძიების ფარგლებში მაგისტრატი მოსამართლის წინაშე მოწმის სახით გადაკითხვის დასრულების შემდეგ ჟურნალისტებთან საუბრისას განაცხადა.

მისი თქმით, პირველ რიგში ბიძინა ივანიშვილი უნდა გამოიკითხოს, და  ამის თქმის საფუძველს მას აძლევს ის, რომ მისი თქმით,  ივანიშვილი არის ამ ქვეყანაში ყველა გადაწყვეტილების მიმღები, 

„წინა რიგებში ვიდექი და ხალხს ვაშოშმინებდი, ამოიღეთ კადრები, ყველგან გვერდითა და წინა მხრიდანაც ვჩანვარ წინა რიგებში და ხალხს მეტ-ნაკლებად ვაწყნარებდი. ის, რომ პირველ რიგში ბიძინა ივანიშვილი უნდა გამოიკითხოს, ამის თქმის საფუძველს მაძლევს ის, რომ ივანიშვილი არის ამ ქვეყანაში ყველა გადაწყვეტილების მიმღები, მის გარეშე ამ გადაწყვეტილებას ვერ მიიღებდა ვერავინ, რომ დაერბიათ მშვიდობიანი მომიტინგეები. ივანიშვილმა გასცა უშუალოდ ბრძანება ანზორ ჩუბინიძის მეშვეობით, რომ დაერბიათ მომიტინგეები. რაც შეეხება გახარიას გამოკითხვას, გვერდიგვერდ ორი შენობის მაღალჩინოსნები ერთმანეთის ტყავს არ დახევენ არცერთ შემთხვევაში“, – განაცხადა ირაკლი ოქრუაშვილმა.

„საკმაოდ კარგ სახუმარო ხასიათზე ვიყავი და შესაბამისად, კითხვაზე, ვაპირებდი თუ არა პარლამენტში შესვლას და რა მიზნით, ვუპასუხე, რომ ვაპირებდი, რადგან 2003 წლის არჩევნების შედეგად გავხდი დეპუტატი და სამი თვის განმავლობაში, სანამ პროკურორობის გამო პარლამენტი უფლებამოსილებას შემიწყვეტდა ხელფასი მქონდა ასაღები და ამ მიზნით ვაპირებდი შესვლას. მათ მკითხეს, რატომ ვაპირებდი წინიდან შესვლას და მე ვუთხარი, რომ მეგონა, რომ ბუღალტერია წინიდან იყო და მერე პოლიციელებმა მითხრეს, არა გვერდიდან არისო, ამიტომ გვერდიდან წავედი. ბოლოს პასუხი მივიღე, რომ ხელფასს არ მოგცემთო. ერთადერთი აზრიანი კითხვა მდგომარეობდა შემდეგში: რას მოვიმოქმედებდი, თუ ხალხი პარლამენტში შევიდოდა? ძალიან მარტივი პასუხია. ხალხს პარლამენტში შევყვებოდი იმის გამო, რომ რაიმე სახის გართულება არ მომხდარიყო. შემდეგი მეტ-ნაკლებად იურიდიული და აზრიანი კითხვა იყო ის, ვიცოდი თუ არა, რომ პარლამენტში შესვლას სპეციალური ნებართვა სჭირდებოდა. რა თქმა უნდა, ვიცი, რომ პარლამენტში შესვლას სპეციალური ნებართვა სჭირდება“, – განაცხადა ირაკლი ოქრუაშვილმა.