პორტუგალიაში ტყის ხანძრების შედეგად დაშავებულთა რაოდენობა 40-მდე გაიზარდა
სულ მცირე 39 ადამიანი დაშავდა პორტუგალიის ცენტრალურ ნაწილში ტყის ხანძრების შედეგად.
ადგილობრივი მედიის ცნობით, ხელისუფლებამ დასახმარებლად ესპანეთს მიმართა.
ესპანეთმა ორი თვითმფრინავი -ამფიბია გამოყო.
ხანძარი ვილა-დი-რეის მუნიციპალიტეტში 20 ივლისს დაიწყო. შემდეგ კი მეზობელ მასანის მუნიციპალიტეტში გავრცელდა.
ხანძრის ქრობის ოპერაციაში ჩართულია 1000-მდე მეხანძრე-მაშველი. მეხანძრეებს მუშაობაში ხელს უშლის ქარი, რომელიც ცეცხლის გავრცელებას უწყობს ხელს. ხანძარი 8500 ჰექტარზეა გავრცელებული.
პოლიციამ ხანძრის გაჩენის მიზეზების გამოძიება დაიწყო. დაკავებულია 55 წლის მამაკაცი.
