ფიფას პრეზიდენტი ზეპ ბლატერი და უეფას ხელმძღვანელი მიშელ პლატინი საფეხბურთო საქმიანობას რვა წლით ჩამოაშორეს.

შესაბამისი გადაწყვეტილება ფიფას ეთიკის კომიტეტმა გამოძიების შედეგად მიიღო. საუბარია ფიფა-ს ეთიკის კომიტეტის საარბიტრაჟო პალატის მიერ ზეპ ბლატერისა და უეფა-ს პრეზიდენტის მიშელ პლატინის წინააღმდეგ გამოძიების დაწყების შესახებ. ბლატერს პლატინისთვის ჰონორარის სახით 2 მილიონი შვეიცარიული ფრანკის გადახდაში ადანაშაულებენ. ოქტომბერში ბლატერი და პლატინი გამოძიების დაწყებასთან დაკავშირებით თავიანთ საქმიანობას 90 დღით ჩამოაშორეს.

ბლატერმა, რომელიც ფიფას 1998 წლიდან ხელმძღვანელობს, მაისის ბოლოს ორგანიზაციის პრეზიდენტობის არჩვენებში გაიმარჯვა. თუმცა რამდენიმე დღის შემდეგ განაცხდა, რომ უფლებმოსილებას რიგგარეშე არჩევნების შემდეგ მოიხსნიდა.

ასეთი გადაწყვეტილბა მან ფიფაში აგორებული კორუფციული სკანდალის შემდეგ მიიღო. შვეიცარიაში აშშ-ის ხელისუფლების მოთხოვნით კორუფციაში ეჭვმიტანილი ფიფას რამდენიმე მაღალჩინოსანი დააკავეს.

ფიფას ეთიკის კომიტეტის გადაწყვეტილების შედეგად 79 წლის ბლატერი კარიერის გაგრძელებას სავარაუდოდ ვეღარ შეძლებს.

60 წლის მიშელ პლატინი უეფას სათავეში 2007 წლიდან უდგას. ექსპერტები მას ფიფას ხელმძღვანელის პოსტზე მთავარ ფავორიტად მიიჩნევდნენ.

ბლატერი და პლატინი კორუფციულ გარიგებებში მონაწილეობას უარყოფენ.