აშშ-ის პრეზიდენტი სპირტიან სასმელს არ სვამს ალკოჰოლზე დამოკიდებულებისადმი შიშის გამო. ამის შესახებ მან The Washington Post-სთან ინტერვიუში განაცხადა.

მისი თქმით, ამ გადაწყვეტილებაზე გავლენა უფროსი ძმის - ფრედის მდგომარეობამ მოახდინა. „ის ულამაზესი იყო, მე ვხედავდი რა უშვრებოდა ალკოჰოლი მას“, - აღნიშნა ტრამპმა. მან განაცხადა, რომ ფრედმა უფრო დიდხანს იცოცხლა, ვიდრე მისი ჯანმრთელობიდან გამომდინარე ვარაუდობდნენ.

თუმცა ტრამპმა დასძინა, რომ შიშმა ხელი არ შეუშალა ეყიდა ღვინის ქარხანა, რომელსაც ამჟამად მისი ვაჟი მართავს.

პრეზიდენტმა სინანული გამოთქვა იმის შესახებ რომ თავის დროზე მხარი დაუჭირა მამას და ძმაზე ზეწოლას ახდენდა, რათა ის ოჯახის ბიზნესით დაკავებულიყო თავისი ნების წინააღმდეგ. „ეს მისი საქმე არ იყო... ჩვენ მასზე ორმაგ ზეწოლას ვახდენდით“, - აღნიშნა ტრამპმა.

ფრედ ტრამპმა უნივერსიტეტის დასრულების შემდეგ დაიწყო TWA-ის პილოტის კარიერა, თუმცა მამას სურდა რომ ის ოჯახის ბიზნესით დაკავებულიყო. შედეგად ახალგაზრდა კაცმა სმა დაიწყო, კომპანია მიატოვა და მამის ფირმაში მუშაობას შეუდგა. ფრედი 1981 წელს ალკოჰოლიზმით გარდაიცვალა.