დიდი ბრიტანეთის პრემიერი ბორის ჯონსონი და გერმანიის კანცლერი ანგელა მერკელი დიდ  შვიდეულში რუსეთის დაბრუნების წინააღმდეგ გამოვიდნენ.

 „ჩემთვის ცნობილია G7-ში რუსეთის რეინტეგრაციის იდეის შესახებ. მაგრამ იმის გათვალისწინებით, რაც მოხდა სოლსბერიში, ბრიტანეთის მიწაზე ქიმიური იარაღის გამოყენებისას, ასევე არასტაბილურობის, სამოქალაქო ომის, უკრაინაში მიმდინარე ომის, რუსეთის პროვოკაციების, არა მხოლოდ უკრაინაში, არამედ სხვა ბევრ რეგიონში, უნდა ვთქვა, რომ ვიზიარებ მერკელის პოზიციას და იმ  მოსაზერბას, რომ უნდა არსებობდეს კიდევ ბევრი მიზეზი იმისთვის, რათა რუსეთი დიდ შვიდეულში დაბრუნდეს“, - განაცხადა ჯონსონმა ბერლინში, მერკელთან შეხევდრის შემდეგ გამართულ პრესკონფერენციაზე.

მანამდე, აშშ-ის პრეზიდენტი დონალდ ტრამპი დათანხდა საფრანგეთის პრეზიდენტის ემანუელ მაკრონის წინადადებას, 2020 წელს აშშ-ში G7-ის სამიტზე რუსეთის მიწვევის თაობაზე. სავარაუდოდ, ტრამპი ამ საკითხს ბიარიცში G7-ის სამიტზე დააყენებს.

ბრიტანეთის ქალაქ სოლსბერიში 2018 წლის 4 მარტს ყოფილი ჯაშუშის სერგეი სკრიპალისა და მისი ქალიშვილის იულიას მოწამვლაში ლონდონი რუსეთს ადანაშაულებს.