ნატო არ ცნობს ოკუპირებულ აფხაზეთში ჩატარებულ ე.წ. საპრეზიდენტო არჩევნებს
სამხრეთ კავკასიისა და ცენტრალურ აზიაში ნატო-ს გენერალური მდივნის სპეციალური წარმომადგენელი ჯეიმს აპატურაი ოკუპირებულ აფხაზეთში ე.წ. საპრეზიდენტო არჩევნების ჩატარებას ეხმიანება.
"ნატო არ ცნობს ე.წ. არჩევნებს, რომელიც ჩატარდა 25 აგვისტოს საქართველოს აფხაზეთის რეგიონში.
ნატოს მოკავშირეები არ ცნობენ აფხაზეთისა და ცხინვალის რეგიონებს, როგორც დამოუკიდებელ სახელმწიფოებს.
ნატო მხარს უჭერს საქართველოს ტერიტორიულ მთლიანობასა და სუვერენიტეტს საერთაშორისო დონეზე აღიარებულ საზღვრებში", - წერს აპატურაი ფეისბუკზე.
