ირანის ხელისუფლება თავის პოლიტიკურ კურსს არ შეცვლის, თუ აშშ ქვეყნის წინააღმდეგ სანქციებს არ გააუქმებს. ამის შესახებ ირანის პრეზიდენტმა ჰასან როუჰანიმ განაცხადა.

 „ირანი გააგრძელებს თავისი ვალდებულებების შემცირებას ბირთვულ შეთანხმებასთან დაკავშირებით, თუ ამერიკის სანქციები არ გაუქმდება, აშშ-სთან ნებისმიერი ფორმის მოლაპარაკებები შესაძალებელია მხოლოდ შეზღუდვების მოხსნის შემდეგ. წინააღმდეგ შემთხვევაში არაფერი შეიცვლება“, - განუცხადა პრეზიდენტმა ტელეარხ PressTV-ს.

როუჰანიმ ასევე აღნიშნა, რომ „ირანი არასდროს ისწრაფვოდა ბირთვული იარაღის ფლობისკენ“.

 „რაც შეეხება ბირთვულ შეთანხმებას, თანამშრომლობას გავაგრძელებთ მის დანარჩენ წევრებთან“, - აღნიშნა მან.