საუდის არაბეთის ტახტის მემკვიდრე პრინცი მუჰამედ ბენ სალმან ალ საუდი აცხადებს, რომ სამეფოს ნავთობის გადამამუშავებელ ობიექტებზე თავდასხმა „ომის აქტს“ წარმოადგენს. მან ამის შესახებ CBS-ის გადაცემა „60 წუთში“ ისაუბრა.

ამ თავდასხმას „ომის აქტი“ უწოდა მანამდე აშშ-ის სახელმწიფო მდივანმა მაიკ პოპმეომ. მემკვიდრე პრინცს ჰკითხეს, მხარს უჭერს თუ არა ასეთ ფორმულირებას. „რა თქმა უნდა დიახ“, - უპასუხა მან.

14 სექტემბერს საუდის ეროვნული ნავთობის უმსხვილესი საწარმოს  Saudi Aramco-ს კომპანიებს ჰურაისსა და აბკაიკში თავს დაესხნენ.

თავდასხმაზე პაუსიხმგებლობა მეამბოხე ჰუსიტებმა და იემენის მოძრაობა „ანსარ ალაჰმა“ აიღეს. მათი თქმით, იერიშის დროს გამოყენებული იყო 10 უპილოტო საფრენი აპარატი. აფეთქებებისა და ხანძრების შედეგად ნავთობის ექსპორტი დღე-ღამეში 5,7 მლნ ბარელით შემცირდა.

აშშ-მა, საუდის არაბეთმა, დიდმა ბრიტანეთმა, საფრანგეთმა და გერმანიამ პასუხისმგებლობა ირანს დააკისრეს. მათი თქმით, თავდასხმა განხორციელდა იმ უპილოტოებისა და რაკეტების გამოყენებით, რომლებიც ჰუსიტებს თავიანთ არსენალში არ აქვთ. თეირანი ბრალდებებს უარყოფს.