ამერიკელი ბრიუს კლირი ორეგონის უნივერსიტეტის კლინიკას უჩივის და ხუთი მლნ დოლარის კომპენსაციას მოითხოვს. შესაბამისი გადაწყვეტილება მას შემდეგ მიიღო, რაც შეიტყო, რომ თავისი ნების წინააღმდეგ 17 შვილის მამა გახდა. იუწყება Sky News-ი.

მამაკაცი კლინიკას შეთანხმების დარღვევაში ადანაშაულებს, რომლის მიხედვით ის თანახმა იყო ხუთი ბავშვის ბიოლოგიური მამა გამხდარიყო.

ამის გარდა კლირი ირწმუნება, რომ კლინიკამ დაარღვია პირობა - არ გადაეცა მისი ბიოლოგიური მასალა ქალებისთვის, რომლებიც ორეგონის შტატში ცხოვრობდნენ. ის ამტკიცებს, რომ სულ მცირე მისი ორი ბიოლოგიური შვილი სწავლობდა სკოლში იმ ბავშვებთან ერთად, რომლებსაც ის ცოლთან ერთად ზრდიდა.

მამაკაცმა განაცხადა, რომ გადაწყვიტა სპერმის დონორი გამხდარიყო, რათა უნაყოფო წყვილებს დახმარებოდა.