ამერიკელმა სამხედროებმა ერაყში გადაიყვანეს „ისლამური სახელმწიფოს“ ორი მებრძოლი ჯალათთა ჯფუფიდან, რომლებიც „ბითლზის“ სახელით არის ცნობილი. ისინი სირიის ტერიტორიაზე არსებულ ციხეებში იმყოფებოდნენ, სადაც თურქეთმა  გუშინ ქურთების წინააღმდეგ სამხედრო ოპერაცია დაიწყო. ინფორმაციას Washington post-ი ავრცელებს.

მოგვიანებით აშშ-ის პრეზიდენტმა დონალდ ტრამპმა აღნიშნული ინფორმაცია დაადასტურა.

„იმ შემთხვევაში, თუ ქურთები ან თუქრეთი დაკარგავს კონრტოლს, „ისლამური სახელმწიფოს“ ორი მებრძოლი, რომლებიც სირიში ადამიანებს თავებს კვეთდნენ, და რომლებიც ცნობილნი არიან როგორც „ბითლზის“ ჯგუფის წევრები, ამ ქვეყნიდან აშშ-ის მიერ კონტროლირებად ტერიტორიაზე, უსაფრთხო ადგილზე გადავიყვანეთ. ისინი უარესნი არიან უარესთა შორის!“- წერს ტრამპი მიკორბლოგ Twitter-ში.

ამერიკელებმა მკაცრი დაცის ქვეშ სულ 40 ადამიანი აიყვანეს, სავარაუდოდ, ისინი „ისლამური სახელმწიფოს“ მნიშვნელოვან ფიგურებს წარმოადგენენ. მათ შორის ორ ბრიტანელს - ალექსანდ კოტეს და ელ შაფი ელშეიხს, რომლებსაც ინგლისური აქცენტის გამო „ბითლზები“უწოდეს, მძევლების სიკვიდლით დასჯაში ადანაშაულებენ. ისინი  მძევლებს, აშშ-დან და ევროპის ქვეყნებიდან, თავებს კვეთდნენ,  დასჯის პროცესს კი ვიდეოზე იღებდნენ და ავრცელებდნენ.

ტერორისტები მოთავსებულნი იყვნენ სირიის ჩრდილო-აღმოსავლეთით, მცირე ზომის საპყრობილეებში, რომელსაც ქურთები მართავდნენ, თუმცა ახლა, ქურთებს თავიანთი გუშაგები ამ ობიექტებიდან გაყავთ, რათა თურქეთის არმიას წინააღმდეგობა გაუწიონ.

თურქეთის პრეზიდენტმა რეჯებ თაიფ ერდოღანმა 9 ოქტომბერს სირიის ჩრდილოეთით დაიწყო ოპერაცია „მშვიდობის წყარო“, რომელიც მიმართულია ქურთთა მუშათა პარტიისა და “ისლამური სახელმწიფოს“ წინააღმდეგ. თურქეთის არმიამ გუშინვე მიიტანა იერიში ჰასექის პროვინციის ქალაქ რას ელ-აინსა და თურქეთის მოსაზღვრე ქალაქ თელ-აბიადზე.

ასევე დაიწყო ოპერაციის სახმელეთო ნაწილიც. „მშვიდობის წყაროს“ დაწყებიდან თურქეთმა ქურთთა 181 ობიექტი დაბომბა.

ევროკავშირი თურქეთს მოუწოდებს შეწყვიტოს ცალმხრივი სამხედრო აქცია. სამხედრო ოპერაციას გმობს გაერო და არაბული ქვეყნებიც. აშშ-ის პრეზიდენტმა დონალდ ტრამპმა განაცხადა, რომ მხარს არ დაუჭერს სირიაში თურქეთის სამხედრო ოპერაციას და მას „ცუდი იდეა“ უწოდა.