სენაკში ხელკეტებით შეიარაღებული მძარცველები ბენზინგასამართი სადგურის ოპერატორს თავს დაესხნენ
სენაკში ბენზინგასამართი სადგურის მორიგე ოპერატორს თავს დაესხნენ. ხელკეტებით შეიარაღებული მძარცველები ოპერატორს სეიფის გახსნას აიძულებდნენ. მათ ძალის გამოყენებით 260 ლარის წაღება მოახერხეს.
დანაშაულში მონაწილე ერთ-ერთი პირი უკვე დაკავებულია. ფაქტზე გამოძიება შს სამინისტრომ სსკ-ის 178-ე მუხლით დაიწყო, რაც ძარცვას გულისხმობს.
