ინდოეთში 75 წლის ქალმა ბავშვი გააჩინა | ფოტო
ინდოეთში, რაჯასტანის შტატში, პრაბჰა დევიმ 75 წლის ასაკში ბავშვი გააჩინა. იუწყება The Sun-ი.
გამოცემის ცნობით, ქალსა და მისი 80 წლის ქმარს შვილი ხელოვნური განაყოფიერების გზით შეეძინათ.
გოგონა დღენაკლული, ორსულობის 30-ე კვირას დაიბადა. მისი წონა 700 გრამზე ნაკლებს შეადგენდა.
ექიმების თქმით, მათ საკეისრო კვეთა ჩაატარეს, რადგან დედის ასაკი ბუნებრივი მშობიარობის შესაძლებლობას არ იძლეოდა.
დაბადებისთანავე ჩვილი ფილტვების ხელოვნური ვენტილაციის აპარატს მიუერთეს. ექიმები აღნიშნავენ, რომ ამჟამად გოგონას მდგომარეობა სტაბილურია.
