ბარსელონაში მომიტინგეებმა საგრადა ფამილიას შესასვლელი გადაკეტეს. ტაძრის ადმინისტრაციამ განაცხადა, რომ დამთვალიერებლების უსაფრთხოებაზე პასუხს ვერ აგებს და ტაძარი დროებით დაკეტა.

 „საგრადა ფამილია პროტესტების გამო დაკეტილია, ტაძარში არიან ადამიანები“, - განუცხადა მედიას ტაძრის თანამშრომელმა. თუ რამდენი ტურისტი იმყოფება ტაძარში, უცნობია.

ტაძართან შეკრებილები სკანდირებენ: „თავისუფლება პოლიტპატიმრებს“, და „პუჩდემონი ჩვენი პრეზიდენტია“.

„ჩვენ გარანტიას ვერ მივცემთ დამთვალიერებლებს, შეძლებენ თუ არა ისინი ტაძრის ტერიტორიაზე შესვლას, იმის გამო, რომ მომიტინგეთა ნაწილი ამ დროისთვის ტაძრის წინ იმყოფებნ და ბლოკირებული აქვს შესასვლელი, ვიმედოვნებთ, რომ სიტუაცია მალე გამოსწორდება“, - ნათქვამია ტაძრის „ფეისბუქის“ გვერდზე.

კატალონიაში მასობრივი არეულობები 14 ოქტომბერს მას შემდეგ დაიწყო, რაც უმაღლესმა სასამართლომ 12 კატალონიელ პოლიტიკოსს 2017 წელს რეფრენდუმის გამართვასთან და კატალონიის დამოუკიდებლობის გამოცხადებასთან კავშირის გამო განაჩენი გამოუტანა. ცხრა ადამიანი სასამართლომ დამნაშავედ ცნო ამბოხში და მათ 9-დან 13 წლამდე პატიმრობა მიუსაჯა, სამი ადამიანი დამანშავედ ცნეს დაუმორჩილებლობაში და ჯარიმის გადახცდა დააკისრეს.

საპროტესტო აქციების დაწყებიდან სხვადასხვა ქალაქში შეტაკებების შედეგდ 500 ადამიანი დაშავდა, მათ შორის 200 სამართალდამცველი. დაკავებულთა რაოდენობა უკვე 100-ს აჭარბებს.

დასავლური მედიის ცნობით, კატალონიის ყოფილი ლიდერი კარლეს პუიჩდემონი ბელგიის პროკურატურას ნებაყოფლობით ჩაბარდა.