ნატო-ს წევრი ქვეყნები 24 და 25 ოქტომბერს განიხილავენ სიტუაციას ჩრდილოეთ სირიაში, ამასთან ალიანსს მიაჩნია, რომ რუსეთსა და თურქეთს შორის მოლაპარაკებების შეფასება ნაადრევია, - ამის შესახებ ნატო-ს გენერალურმა მდივანმა იენს სტოლტენბერგმა განაცხადა.

„მიმაჩნია, რომ ჯერ ადრეა შეთანხმების შედეგების შეფასება, რომელიც თურქეთისა და რუსეთის პრეზიდენტებს შორის იქნა მიღწეული“, - განუცხადა სტოლტენბერგმა ჟურნალისტებს.

ამასთან, მან აღნიშნა, რომ სირიის ჩრდილო-აღმოსავლეთით ცეცხლის შეწყვეტის შესახებ შეთანხმება, რომელიც მანამდე აშშ-სა და თურქეთს შორის გაფორმდა, კონფლიქტის პოლიტიკურად გადაჭრის მთავარი საფუძველია.

 „ვნახეთ, რომ შესძლებელია წავიწიოთ პოლიტიკური გადაწყვეტილებისკენ... ჩვენ უნდა წინ წავიდეთ, რათა გქვონდეს რეალური, პოლიტიკური გადაწყვეტილება სირიაში“, - განაცხადა მან.

შეგახსენებთ, თურქეთმა სირიის ჩრდილოეთით სამხედრო ოპერაცია, რომელიც 9 ოქტომბერს დაიწყო, შეწყვიტა.