თურქეთის რესპუბლიკის თავდაცვის მინისტრმა ჰულუსი აკარმა უარყო მედიაში გავრცელებული ინფორმაცია იმის შესახებ, რომ თურქეთი რუსეთისგან სუ-35 ტიპის გამანადგურებლების შეძენას გეგმავს. იტყობინება თურქული მედია.

მანამდე, თურქული გამოცემა Daily Sabah-ი, თურქ სამხედროებზე დაყრდნობით, იტყობინებოდა, რომ მოსკოვი და ანკარა უახლოეს ხანებში ხელს მოაწერდნენ ხელშეკრულებას სუ -35 ტიპის გამანადგურებლების შეძენის შესახებ.

თავდაცვის მინისტრ აკარის თქმით, თურქეთი კვლავინდებურად დაინტერესებულია ამერიკული F-35-ის ტიპის მეხუთე თაობის მოიერიშე-გამანადგურებლების შესყიდვით.

ცნობისთვის, შეერთებულმა შტატებმა თურქეთი F-35-ის პროგრამიდან გარიცხა, ანკარის მიერ რუსული С-400 ტიპის საზენიტო-სარაკეტო სისტემების შეძენისთვის.