ტაილანდში 17 წლის გეიმერი უწყვეტი კომპიუტერული თმაშების გამო ინსულტით გარდაიცვალა.

ინციდენტი სკოლის არდადეგების დროს მოხდა. მოზარდი 24 საათის განმავლობაში ონლაინ-თამაშებს თამაშობდა და არ იძინებდა. ის თამაშებს საკვების მიღების დროსაც არ წყვეტდა და პირდაპირ მონიტორის წინ ჭამდა.

ერთ დღეს მოზარდის ოთახში მამა შევიდა და იატაკზე დავარდნილი ბიჭი დაინახა. მამამ სასწრაფო დახმარება გამოიძახა და შვილისთვის პირველადი დახმარების გაწევა სცადა, მაგრამ ბიჭს სიცოცხლის ნიშან-წყალი აღარ ეტყობოდა. ადგილზე მისულ ექიმებს მოზარდი გარდაცვლილი დახვდათ.

ექსპერტიზამ დაადგინა, რომ ბიჭი ინსულტის შედეგად გარდაიცვალა. ამის მიზეზი კომპიუტერთან გატარებული ხანგრძლივი, უძილო ღამეები გახდა.

ბიჭის მამამ აღნიშნა, რომ შვილი მის თხოვნას თამაშებისთვის თავი დაენებებინა, ყურადღებას არ აქცევდა.

 „ჩემი შვილი ჭკვიანი იყო და სკოლაში ყოველთვის კარგად სწავლობდა, მაგრამ მას თამაშზე დამოკიდებულების გამო სერიოზული პრობლემები შეექმნა“, - თქვა ბიჭის მამამ.

მამა იმედოვნებს, რომ მშობლები ყურადღებით მოეკიდებიან მისი შვილის ამბავს და სწორ დასკვნებს გამოიტანენ.