თბილისში, მოსკოვის გამზირზე, ავტოავარიას ახალგაზრდა მამაკაცი ემსხვერპლა
თბილისში, მოსკოვის გამზირზე ავტოავარია მსხვერპლით დასრულდა. „მაზდას“ მარკის მსუბუქი ავტომობილი, რომელშიც ორი პირი იჯდა, ხეს შეეჯახა.
როგორც შსს-ში მედიას განუცხადეს, დაღუპულია მგზავრი, ახალგაზრდა მამაკაცი. მძიმეა ავტომობილის მძღოლის მდგომარეობა, რომელიც კლინიკაშია გადაყვანილი. დაწყებულია გამოძიება.
