დედაქალაქის მერია 2017 წლის რაგბის ახალგაზრდულ მსოფლიო ჩემპიონატსთვის რაგბის ახალი მოედნის მშენებლობას გეგმავს. ამის შესახებ დედაქალაქის მერმა დავით ნარმანიამ განაცხადა.

„2016 წელს დავიწყებთ რაგბის ახალი მოედნის მშენებლობას 2017 წლის რაგბის ახალგაზრდულ მსოფლიო ჩემპიონატის სამასპინძლო. აღნიშნული მოედანი რაგბისტების ახალი თაობების აღზრდას მოემსახურება“, - განაცხადა დედაქალაქის მერმა.

მისვე თქმით, სტადიონის მშენებლობისთვის დედაქალაქის მერიის ბიუჯეტიდან 6 მლნ ლარი გამოიყოფა. 

დედაქლქის მერმა ასვე აღნიშნა, რომ მერია გეგმავს ახალგაზრდული ცენტრის მშენებლობას. აღნიშნულის მიზნით ბიუჯეტში 3 მლნ. ლარია გათვალისწინებლი.

შეგახსენებთ, რომ დედაქალაქის საკრებულომ 2016 წლის ბიუჯეტი დაამტკიცა. ბიუჯეტი 815 მლნ. 900 ათასი ლარით განისაზღვრა და პრიორიტეტებად კვლავ ინფრასტრუქტურის განვითარება, განათლება, ჯანდაცვა და სოციალური უზრუნველყოფა, ასევე, გამწვანებითი ღონისძიებები რჩება.