ფოთში 70 წლის მოხუცმა ახალგაზრდა მამაკაცი დაჭრა
ფოთში 70 წლის მოხუცმა ახალგაზრდა მამაკაცი ნაჯახით დაჭრა. ინფორმაციას "რუსთავი 2" ავრცელებს. შემთხვევა თამარ მეფის ქუჩაზე მოხდა. თვითმხილველის თქმით, ინციდენტს წინ ურთიერთშელაპარაკება უძღოდა, თუმცა მათთვის უცნობია კონკრეტულად რა გახდა მომხდარის მოტივი.
თვითმხილველები ამბობენ, რომ 70 წლის მამაკაცს დაჭრილი ახალგაზრდა კაცის ეზოში ხის საამქრო აქვს, რაზეც წარსულში დავა არაერთხელ წარმოიშვა და მის წინააღმდეგ შესაბამის უწყებას საჩივრით რამდენჯერმეც მიმართეს.
დაჭრილი მამაკაცი ამ დროისთვის ფოთის ჰოსპიტალში იმყოფება. მომხდარზე შინაგან საქმეთა სამინისტროში კომენტარს ჯერჯერობით არ აკეთებენ.
