ჩვენ ვართ სამხარეო მოწყობის ქვეყანა და სასურველია, რომ იყოს შერეულ სისტემა - მაჟორიტარულიც და პროპორციულიც, - განაცხადა „ქართული ოცნების“ დეპუტატმა, ენძელა მაჭავრიანმა.

მისი თქმით, „ქართულ ოცნებას“ აღარ აქვს საკონსტიტუციო უმრავლესობა და ახალ მოდელს ვეღარ მივიღებთ.

“ჩვენ აღარ გვაქვს საკონსტიტუციო უმრავლესობა და არ გვაქვს იმის შესაძლებლობა, რომ მივიღოთ ეს ცვლილება, არც გერმანული, არც ფრანგული - ახალ მოდელს ვეღარ მივიღებთ. უნდა შევეგუოთ იმას, რომ ამ პრინციპით უნდა ჩავატაროთ არჩევნები. არასდროს ბიძინა ივანიშვილი არ ეფარება სხვას ზურგს უკან, რაც უნდა იმას თავად აცხადებს. მე მხარს ვუჭერ შერეულ სისტემას, პროპორციულს დავუჭირე იმიტომ, რომ ეს ხალხის მოთხოვნა იყო. მხოლოდ მაჟორიტარული სისტემით არ მიმაჩნია, რომ არჩევნები უნდა ჩატარდეს. ჩვენ ვართ სამხარეო მოწყობის ქვეყანა და სასურველია, რომ ორივე იყოს - მაჟორიტარულიც და პროპორციულიც”, - თქვა მაჭავარიანმა.