პარლამენტიდან ინგოროყვას კლინიკაში 57 წლის ქალი გადაიყვანეს. დაზარალებულს, რომელიც პარლამენტის აპარატის თანამშრომელია, ალერგიული რეაქცია და და ინტოქსიკაცია აღენიშნება.

არსებული ინფორმაციით, პაციენტის მდგომარეობა სტაბილურია და სათანადო გამოკვლევები უტარდება. მას ბინაზე, სავარაუდოდ, დღესვე გაწერენ. კლინიკაში ვერ აკონკრეტებენ, რა ნივთიერება შეიძლება, იყოს ინტოქსიკაციის გამომწვევი.

გავრცელებული ინფორმაციით, პარლამენტის სხდომათა დარბაზში გაურკვეველი ნივთიერება შეიტანეს, რასაც სპეციფიკური სუნის გავრცელება მოჰყვა. გაურკვეველი ნივთიერების დასხმის შემდეგ შეუძლოდ გახდა ოთხი ადამიანი, ორი დეპუტატი ენძელა მაჭავარიანი და სვეტლანა კუდბა. საავადმყოფოში გადაიყვანეს პარლამენტის თანამშრომელი ციური როსტიაშვილი. ექიმების დახმარება ასევ დასჭირდა პარლამენტის ფოტოგრაფს, ირაკლი მიქაძეს.