ქრთამის აღების ფაქტზე ხელვაჩაურის საკრებულოს თანამშრომელი დააკავეს
ქრთამის აღების ფაქტზე ხელვაჩაურის საკრებულოს საკუთრების უფლების აღიარების კომისიის თავმჯდომარის მოადგილეა დაკავებული.
გამოძიების მტკიცებით, დავით ქოქოლაძე მოქალაქეს სოფელ ახალსოფელში თვითნებურად დაკავებული მიწის ნაკვეთის საკუთრებაში დარეგისტრირებას დაჰპირდა. სანაცვლოდ კი 3 ათასი დოლარი მოითხოვა.
ბრალდებულის დაკავება მისთვის თანხის ნაწილის გადაცემის დროს მოხდა. უკვე ყოფილ მაღალჩინოსანს 6-დან 9 წლამდე პატიმრობა ელოდება.
