საავადმყოფომ, რომელიც ჩინეთის ქალაქ უხანში ათ დღეში ააშენეს, ახალი კორონავირუსით დაავადებული პირველი პაციენტები მიიღო. იუწყება Associated Press-ი.

გავრცელებული ცნობით, ახალი პალატები აღჭურვილია თანამედროვე სამედიცინო დანადგარებით. ჰოსპიტალი ათას პაციენტზეა გათვლილი.

საავადმყოფოს მშენებლობა ქალაქის გარეუბანში 23 იანვარს დაიწყო.

ბოლო მონაცემებით, ახალი კორონავირუსით გარდაცვლილთა რაოდენობა 261-ს შეადგენს, დაავადებულთა რიცხვი კი 17 238-ს აღწევს. ჩინეთის საზღვრებს მიღმა, 20 ქვეყანაში დაავადებულია 100 ადამიანი. მსოფლიო ჯანდაცვის ორგანიზაციამ კორონავირუსი გლობალურ საფრთხედ აღიარა და საგანგებო მდგომარეობა გამოაცხადა.