საქართველოს სამედიცინო ასოციაციების გაერთიანება იაშვილის სახელობის ბავშვთა კლინიკის სამედიცინო პერსონალს სოლიდარობას უცხადებს და თავის მხრივ მოუწოდებს თითოეულ მოქალაქეებს, არ გააკეთონ ექიმთა მიმართ შეურაცხმყოფელი განცხადებები: უნდა გვახსოვდეს, რომ საქართველოში ბოლო წლებში მნიშვნელოვნად გაიზარდა სამედიცინო დახმარების ხელმისაწვდომობა. ექიმთა მიერ გაწეული სამედიცინო დახმარება კი უმრავლეს შემთხვევებში ქვეყანაში არსებული ტექნოლოგიური რესურსების ადექვატურია და შეესაბამება თანამედროვე სტანდარტებს.

„ჩვენ ყველაზე კარგად ვიცით იმ პრობლემების შესახებ რაც არსებობს ამ სფეროში. გვერწმუნეთ, რომ ჩვენს სისტემაში მუდმივად მიმდინარეობს მუშაობა სამედიცნო მომსახურების ხარისხის ამაღლებაზე. იმედს ვიტოვებთ, რომ საზოგადოების მხრიდან ადექვატურად შეფასდება სამედიცინო პერსონალის თავდადება და მომავალში ქართულ სამედიცინო საზოგადოებას უფრო მეტი მხარდაჭერა და თანადგომა ექნება”, ნათქვამია საქართველოს სამედიცინო ასოციაციების გაერთიანების განცხადებაში.