ამ დროისათვის მსოფლიოში კორონავირუსით ინფიცირებულთა რაოდენობამ 1 203 485-ს მიაღწია, გარდაიცვალა 64 784 ადამიანი, გამოჯანმრთელდა 247 001 პაციენტი.

ინფიცირებულთა რაოდენობით ლიდერობს შეერთებული შტატები. ქვეყანაში დაავადებულთა რიცხვი 312 237-ს აღწევს, გარდაცვლილია 8 496 ადამიანი.

ევროპაში ინფიცირებულთა რაოდენობით პირველ ადგილზე გადაინაცვლა ესპანეთმა, სადაც დაფიქსირებულია კორონავირუსის 126 168 შემთხვევა. გარდაცვლილია 11 947 ადამიანი. მეორე ადგილზეა იტალია, აქ COVID-19-ით დაავადებულთა რაოდენობამ 124 168-ს მიაღწია, გარდაცვლილთა რაოდენობით კი ევროპაში კვლავ იტალია ლიდერობს, ქვეყანაში ამ დროისათვის 15 362 პირია დაღუპული.

გერმანიაში დაფიქსირებულია კორონავირუსის 96 092 შემთხვევა , გარდაიცვალა 1 44 ადამიანი, საფრანგეთში - ინფიცირებულია 90 848, გარდაცვლილია - 7 574 პაციენტი.

დიდ ბრიტანეთში - დაავადებულია 42 479, გარდაცვლილია - 4 320, თურქეთში - ინფიცირებულია 23 934, გარდაცვლილია - 501.

ჩინეთში გასულ 24 საათში დაფიქსირდა კორონავირუსის 30 ახალი შემთხვევა, მათგან 25 იმპორტირებულია. გარდაიცვლა სამი ადამიანი, სამივე ხუბეის პროვინციაში.