თბილისში ავტოსაგზაო შემთხვევის შედეგად სამი ადამიანი გარდაიცვალა
ავტოსაგზაო შემთხვევა მოხდა თბილისში, მარჯვენა სანაპიროზე. ერთმანეთს ორი მსუბუქი ავტომობილი შეეჯახა.
მომხდარის შედეგად გარდაიცვალა სამი და დაშავდა ერთი ადამიანი.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
