ფრანგულ-ქართულმა საკონსულტაციო კომპანია Experto Consulting-მა ფრანგული კომპანია Desjoyaux Pools-თვის საქართველოს ბაზარზე ექსკლუზიური პარტნიორის შერჩევის მანდატი მოიპოვა.

Desjoyaux Pools (www.desjoyaux.eu) არის მსოფლიო ლიდერი საცურაო აუზების წარმოებაში. კომპანიას აქვს 45 წლიანი გამოცდილება და წარმოდგენილია 80 ქვეყანაში. ამ ეტაპზე Desjoyaux Pools-ს წარმოებული და დაინსტალირებული აქვს 150,000-ზე მეტი საცურაო აუზი მსოფლიოს მასშტაბით.

Experto Consulting-ში აცხადებენ, რომ კლიენტის პრეფერენციებზე დაყრდნობითა და Experto Consulting-ის მიერ ჩატარებული ანალიზის საფუძველზე, Desjoyaux Pools-ის წარმომადგენელთან შესახვედრად და საბოლოო მოლაპარაკების გამართვის მიზნით, რამდენიმე პოტენციური პარტნიორის არჩევა  მოხდება.

შეგახსენებთ, რომ ფრანგულ-ქართული საკონსულტაციო კომპანია Experto Consulting-ი დაფუძნდა 2011 წლის აპრილში. კომპანია ბაზარზე შესვლის მომსახურებას საქართველოს და აზერბაიჯანის ბაზრებით დაინტერესებულ უცხოურ კომპანიებს თბილისიდან უწევს.

ლოკალური წარმომადგენლობა და ადგილობრივი ბიზნეს ქსელების სიღრმისეული ცოდნა გვაძლევს საფუძვლიან საშუალებას კლიენტებისთვის ხსენებულ ბაზრებზე ხელმისაწვდომობა გავხადოთ სწრაფი და ეფექტიანი. კომპანიის მომსახურება მოიცავს, მაგრამ არ შემოიფარგლება: დისტრიბუტორებისა და პარტნიორების შერჩევას, ადგილობრივი ბაზრის კვლევას, პროექტების მხარდაჭერას, თანამშრომლების შერჩევას, სატენდერო მხარდაჭერას და სხვა.

Experto ასევე სპეციალიზებულია საქართველოში არსებული საცალო მაღაზიების შემოწმებაში და პორტფელში გააჩნია რამდენიმე ძირითადი FMCG (სწრაფად მოძრავი სამომხმარებლო საქონელი) და საცალო მაღაზიების ქსელი.