უკრაინის საგარეო საქმეთა სამინისტრო მიხეილ სააკაშვილის რეფორმების ეროვნული საბჭოს აღმასრულებელი კომიტეტის თავმჯდომარედ დანიშვნის გამო საქართველოს მიერ კონსულტაციისთვის ელჩის გამოძახებაში ორმხრივ ურთიერთობაში საფრთხეს ვერ ხედავს.

უკრაინის პრეზიდენტმა ვოლოდიმირ ზელენსკიმ საქართველოს ყოფილი პრეზიდენტი რეფორმების ეროვნული საბჭოს აღმასრულებლი კომიტეტის თავმჯდომარედ გუშინ დანიშნა. საქართველოს ხელისუფლებამ კონსულტაციისთვის კიევიდან ელჩი გამოიძახა.

 ამასთან,საქართველოს საგარეო საქმეთა მინისტრ დავით ზალკალიანის განცხადებით,  საქართველო არ განიხილავს უკრაინასთან დიპლომატიური ურთიერთობების გაწყვეტას, ან სტრატეგიული პარტნიორობის გადახედვას, თუმცა სტრატეგიული პარტნიორის მხრიდან, საქართველოს სასამართლო სისტემის მიერ მსჯავრდებული და ძებნილი ადამიანის მსგავსი დანიშვნაც კი შეკითხვებს იწვევს.

უკრაინის საგარეო საქმეთა მინისტრმა დმიტრი კულებამ განაცხადა, რომ სააკაშვილი უკრაინის მოქალაქეა და ვერც ერთი სახელმწიფო ვერ მიუთითებს მას რა თანამდებობაზე დანიშნოს იგი.

„უკრაინაში საქართველოს ელჩი თეიმურაზ შარაშენიძე უკრაინიდან არ გაუწვევიათ, ის კონსულტაციისთავის გამოიძახეს. ეს ჩვეულებრვი პრაქტიკაა დიპლომატიურ საქმიანობაში. ამ გადაწყვეტილებაში ჩვენს მეგობრულ სახელმწიფოების ურთეირთობის ვერანაირ საფრთხეს ვერ ვხედავთ. ჩვენ საერთო გამოწვევები და შეხების საერთო წერტილები გვაქვს“, - აღნიშნულია უკრაინის საგარეო საქმთა სამინისტროს განცხადებაში.

ამასთან, უკრაინის საგარეო საქმეთა სამინისტრო აცხადებს, რომ ყველაფერს გააკეთებს უკრაინა-საქართველოს სტრატეგიული პარტნიორობის განვითარებისთვის.