ბათუმში მშენებარე ობიექტიდან მუშა გადმოვარდა და გარდაიცვალა
ბათუმში მშენებარე ობიექტიდან ახალგაზრდა კაცი გადმოვარდა და ადგილზე გარდაიცვალა.
აჭარის ტელევიზიის ინფორმაციით, გარდაცვლილი 28 წლის კაცია და ის მშენებარე ობიექტზე მუშაობდა. შემთხვევა ახალი ბულვარის ტერიტორიაზე მოხდა.
გამოძიება სისხლის სამართლის კოდექსის 240-ე მუხლის მეორე ნაწილით დაიწყო, რაც სამუშაოების წარმოებისას უსაფრთხოების წესების დარღვევას გულისხმობს, რამაც სიცოცხლის მოსპობა გამოიწვია.
