რუსეთის არმიამ უბრალოდ უნდა დატოვოს საქართველოსა და უკრაინის ტერიტორები. ამის შესახებ შეერთებული შტატების ელჩმა ეუთო-ში, ჯეიმს სტიუარტ გილმორმა განაცხადა. იუწყება "ეხო კავკაზა".

"ისინი [სამხრეთ ოსეთი და აფხაზეთი] საქართველოს შემადგენლობაში იყვნენ, სანამ რუსული არმია არ შეიჭრებოდა, რომელმაც კონტროლი აიღო სიტუაციაზე და მხარი დაუჭირა სეპარატისტებს. ყველაფერი ძალიან მარტივია - რუსულმა არმია უბრალოდ უნდა დატოვოს საქართველო.

საქართველო მიზნად ისახავს გაერთიანოს ქვეყანა, სადაც ყველას უფლება თანაბრად იქნება დაცული, და ეს არის ის, რასაც ჩვენ მხარს ვუჭერთ", - განაცხადა გილმორმა.

გილმორის თქმით, რუსეთის ჯარი საქართველოში იმიტომ იმყოფება, რომ ქვეყანას თავისი მომავლის არჩევის საშუალება არ მიეცეს.

"ადრე თუ გვიან რუსები წავლენ. საქართველოს სურს სუვერენული სახელმწიფო იყოს და თავისი მომავალი თავად განსაზღვროს", - დასძინა მან.