თბილისის საქალაქო სასამართლოში ჟურნალისტ გიორგი გაბუნიას გამოკითხვა დასრულდა.
მისი თქმით, თუ ვინმეს აქვს მისი ლიკვიდაციის სურვილი, ეს შესაძლოა მხოლოდ რუსეთის პრეზიდენტი ვლადიმერ პუტინი და ჩეჩნეთის ლიდერი რამზან კადიროვი იყონ.

"ვიცი, და ამაში ეჭვი არ მეპარება, რომ თუ ვინმეს ჩემი ლიკვიდაცია შეიძლება მოუნდეს, ეს შეიძლება მოდიოდეს მხოლოდ რუსეთიდან. რუსეთი ნიშნავს პუტინს და რამზან კადიროვის გავლით თუ მოხდება ეს და კადიროვის ქვევით რა ხდება ეგ აღარ ვიცი. რამზან კადიროვი ამას პირადად რა თქმა უნდა არ აკეთებს, მაგრამ თუ ვინმეს დაუკვეთავს მკვლელობას, ეს იქნება დაჯგუფება, რომელიც ამაზე მუშაობს. თუ ვინმეს ჩემი ლიკვიდაცია მოუნდება ეს არის რუსეთი, ეს არის რამზან კადიროვი, რაც ნიშნავს პუტინს", - განაცხადა გიორგი გაბუნიამ.

ამასთან, როგორც გაბუნიამ აღნიშნა, მას სახელმწიფო დაცვაც შესთავაზეს.
„შემომთავაზეს ნებისმიერი სახის დაცვა, რაზეც უნდა მოვილაპარაკო ჩემს ადვოკატთან. უნდა გადავწყვიტოთ ეს საკითხი. მე ჩემი პირადი დაცვა მიცავს. უნდა შევაფასოთ საფრთხეები და დღეს ასე მოხდა, რომ დაცვა შემოგვთავაზეს. თუ გინდა სახელი და გვარიც შეიცვალეო და ყველანაირი დაცვა შემომთავაზეს. მოვილაპარაკებთ ადვოკატთან“, - განაცხადა გიორგი გაბუნიამ.