კიევის ყოფილი მერი, პარტია "ბედნიერი საქართველოსთვის" დამფუძნებელი, ლეონიდ ჩერნოვეცკი ზაზა ფაჩულიას მხარდაჭერისკენ უკრაინელებსაც მოუწოდებს. სოციალურ ქსელში ჩერნოვეცკი ქართველების გულშემატკივრობას სამაგალითოს უწოდებს.

"ძვირფასო მეგობრებო, ბოლო დღეების განმავლობაში კიდევ ერთხელ დავინახე რამდენად განსაკუთრებული ერთიანობა და გულშემატკივრობა იციან საქართველოში. ეს დღეები მთელი საქართველო გაერთიანდა იმ მიზნის მისაღწევად, რომ კალათბურთის ქართველმა ვარსკვლავმა ზაზა ფაჩულიამ ყველაზე პრესტიჟულ ამერიკულ საკალათბურთო მატჩში “All- Star”-ში მიიღოს მონაწილეობა. ეს უდავოდ დიდი წარმატება იქნება არა მარტო მისთვის, არამედ ყველა მისი ქართველი გულშემატკივრისთვის და მთლიანად საქართველოსთვის. ასეთი სულისკვეთება, რაც დღეს საქართველოშია ნამდვილად სამაგალითოა. ვუერთდები მთელ საქართველოს ამ წამოწყებაში, ასევე მოვუწოდებ ჩემს ქართველ და უკრაინელ მეგობრებს რომ დაეხმარონ ქართველ სპორტსმენს თავისი ხმებით და გაავრცელონ სოციალურ ქსელებში მოწოდება (სტატუსი)-‪#‎NBAvote‬ Zaza Pachulia", - აცხადებს ლეონიდ ჩერნოვეცკი