გურჯაანის მუნიციპალიტეტის სოფელ ჩუმლაყში ატმის შესაძენად ჩასულ სომხეთის მოქალაქეს კორონავირუსი დაუგინდა. მას "კოვიდ 19" განმეორებითი ტესტით დაუდასტურდა. ამის შესახებ გურჯაანის საზოგადოებრივ ცენტრში განაცხადეს.

ეს შემთხვევა საქართველოში გამოვლენილი ხუთი ახალ შემთხვევიდან ერთ-ერთია.

ავტომანქანის მძღოლს თავდაპირველად ნიმუში საზღვარზე, შემოსვლისას აუღეს, თუმცა მაშინ ტესტმა უარყოფითი შედეგი აჩვენა.

სოფელ ჩუმლაყში ეპიდემიოლოგები მუშაობენ და ყველა შესაძლო კონტაქტის დადგენას ცდილობენ. სპეციალისტების განმარტებით, საუბარია იმპორტირებულ შემთხვევაზე და შესაბამისად, ინფიცირების წყაროს დადგენა ფაქტობრივად, შეუძლებელია.

დეტალებთან დაკავშირებით დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების ხელმძღვანელი, ნელი ხიზანიშვილი ბრიფინგს გამართავს.