ბათუმის მერმა თანამდებობა დატოვა. თანამდებობიდან წასვლის შესახებ განცხადება ლაშა კომახიძემ თავად გააკეთა.

„სხვა გადაწყვეტილება დააზიანებდა გუნდს და იმ პროექტებს, რასაც ვახორციელებთ, ჩემთვის მთავარი პრიორიტეტია ქალაქის განვითარება“, – განაცხადა ყოფილმა მერმა.

ლაშა კომახიძე კატეგორიულად უარყოფს გავრცელებულ ინფორმაციას, რომ თანამდებობას ზეწოლისა და აჭარის მთავრობის თავმჯდომარესთან დაპირისპირების გამო ტოვებს.

„მასთან ყოველთვის მქონდა, ბოლო წუთამდეც კონსტრუქციული, კოლეგიალური დამოკიდებულება“, – ამბობს ლაშა კომახიძე.

ბათუმის მერთან ერთად პოსტიდან მიდის ვიცე-მერი ჯაბა ტუღუშიც.

ლაშა კომახიძე ბათუმის მერად 2017 წელს აირჩიეს. მას უფლებამოსილების ვადა 2021 წელს ეწურებოდა.