დედაქალაქის მუნიციპალიტეტის საკრებულოს საბურთალოს რაიონის მაჟორიტარი დეპუტატი, ფრაქცია ,,ქართული ოცნება-რესპუბლიკელების’’ წევრი დავით ზურაბიშვილი საკუთარ ამომრჩეველს შეხვდა და ანგარიში ჩააბარა. 

შეხვედრაზე, რომელიც 195-ე საჯარო სკოლის დარბაზში გაიმართა, საკრებულოს წევრმა მოსახლეობას მისის საქმიანობის პეროდში განხორციელებული პროექტები გააცნო.
დავით ზურაბიშვილის თქმით, მისი წინასაარჩევნო დაპირების შესამაბისად, დოლიძის ქუჩაზე არაერთი მნიშვნელოვანი სამუშაო ჩატარდა. კერძოდ, გარემონტდა გზა, აშენდა საყრდენი კედელი, რომელიც მოსახლეობას სერიოზულ საფრთხეს უქმნიდა. 
დეპუტატმა კომპანიასთან ,,gwp’’ მისი ბიუროს ინტენსიური თანამშრომლობის თაობაზეც ისაუბრა და აღნიშნა, რომ ამ საქმიანი ურთიერთობის შედეგად რაიონში კანალიზაციის და სანიაღვრე წყლებთან დაკავშირებული პრობლემები არაერთ ადგილას მოგვარდა.
,,დედაქალაქის მერიასა და ჯანდაცვის სამინისტროსთან თანამშრომლობით კი ასობით დახმარება გაიცა’’, - განაცხადა ზურაბიშვილმა.
დეპუტატმა შეკრებილებს მაჟორიტარის ბიუროს ფუნქციებიც გააცნო. ანგარიშის პრეზენტაცა კითხვა-პასუხის რეჟიმში გაგრძელდა. 
ზურაბიშვილის თქმით, ანალოგიური შეხვედრები ამომრჩეველთან ტრადიციულ სახეს მიიღებს და 3 თვეში ერთხელ გაიმართება.