წალენჯიხაში ტრაქტორის გადაბრუნების შედეგად ერთი ადამიანი გარდაიცვალა, რამდენიმე დაშავდა
წალენჯიხის რაიონის სოფელ საჩინოში ტრაქტორის გადაბრუნების შედეგად ერთი ადამიანი გარდაიცვალა, რამდენიმე დაშავდა.
როგორც იუწყებიან ტრაქტორზე რამდენიმე ადამიანი იმყოფებოდა, რომლებიც თხილნარში მეზობლის დასახმარებლად მიდიოდნენ, რა დროსაც ტრაქტორი გადაბრუნდა.
გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
