2015 წელს ქუთაისის დავით აღმაშენებლის სახელობის საერთაშორისო აეროპორტს მგზავრთნაკადი შეუმცირდა. სამოქალაქო ავიაციის სააგენტოს მიერ წარმოებული სტატისტიკური ინფორმაციით, 2015 წელს 2014 წელთან შედარებით ქუთაისის დავით აღმაშენებლის სახელობის აეროპორტში მგზავრთა რაოდენობა 16.08 %-ით შემცირდა.

როგორც სამოქალაქო ავიაციის სააგენტოში განმარტავენ, 2015 წელს ქუთაისის საერთაშორისო აეროპორტი 182 ათას 954 მგზავრს მოემსახურა, 2014 წელს კი - 218 ათას 3 მგზავრს, შესაბამისად 2015 წელს კლებამ 35 ათას 49 მგზავრი, ანუ 16.08 %-ი შეადგინა.სტატისტიკური ინფორმაციითვე, 2015 წელს აეროპორტმა 2013 წელთან შედარებით 3 %-ით ნაკლები მგზავრი გაატარა.