მთავრობის სხდომაზე ჟურნალისტებს არ დაუშვებენ
კორონავირუსის გამო მთავრობის სხდომაზე ჟურნალისტები არ დაიშვებიან. ინფორმაციას მთავრობის პრესსამსახური ავრცელებს.
როგორც მთავრობის განცხადებაშია ნათქვამი, ცალკეულ მედიასაშუალებებში არსებული შესაძლო რისკებიდან გამომდინარე, მთავრობის სხდომის გაშუქებას უზრუნველყოფს მთავრობის ადმინისტრაციის პრესსამსახური.
9 სექტემბერს TV პირველის ჟურნალისტს, ვიკა ბუკიას კორონავირუსი დაუდასტურდა. ვირუსზე ტესტებს უტარებენ ტელევიზიის თანამშრომლებს.
ქვეყანაში, დღეის მდგომარეობით, ინფიცირების 1 850 შემთხვევაა გამოვლენილი. აქედან 1334 გამოჯანმრთელდა, ხოლო 19 ადამიანი გარდაიცვალა.
