ახმეტის მუნიციპალიტეტის სოფელ მატანში კორონავირუსის 15 ახალი შემთხვევა გამოვლინდა. სოფლის შესასვლელ-გასასვლელში სამედიცინო კარავი მოეწყო. მოქალაქეებს თერმოსკრინინგს უტარებენ.

პრევენციის და ვირუსის დროულად გამოვლენის მიზნით, დილიდან დაიწყო სოფლის ყველა მცხოვრებისთვის ტესტირების ჩატარება. ეპიდემიოლოგთა ჯგუფი ინფიცირებული მოსახლეობის კონტაქტებს აქტიურად სწავლობენ.

სოფელ მატანში კორონავირუსის შემთხვევის შესახებ ინფორმაცია 11 სექტემბერს გავრცელდა. დადებითი პასუხი კორონავირუსზე მატანში მამაკაცს დაუდასტურდა, სადაც ის გორიდან დაბრუნდა. მამაკაცს 5 სექტემბერს გორში ქორწილი ჰქონდა. მეორე დღეს კი ვირუსი მის მშობლებსაც დაუდასტურდა.