კახეთის რეგიონში კორონავისურის 4 ახალი შემთხვევაა - ორი სიღნაღში, ერთი ახმეტაში და ერთი ლაგოდეხში.

სიღნაღში კორონავირუსი დაუდასტურდა შინაგან საქმეთა სამინისტროს თანამშრომლებს. მათი დაინფიცირების წყარო ჯერჯერობით უცნობია.

ლაგოდეხში ინფიცირებულია ახალგაზრდა კაცი, რომელიც აჭარაში იმყოფებოდა. ადგილობრივ ჯანდაცვის ცენტრში ამბობენ, რომ მამაკაცი 10 სექტემბერს ბათუმში ქორწილს ესწრებოდა, ლაგოდეხში დაბრუნებულს კი ტესტირება ჩაუტარდა. ინფიცირებულის ოჯახის წევრები თვითიზოლაციაში არიან.

ახმეტის მუნიციპალიტეტის სოფელ მატანში ვირუსი ე.წ ქორწილის კონტაქტის კონტაქტს აღმოაჩნდა. კაცი ახლა საკუთარ საცხოვრებელ სახლში თვითიზოლაციაში იმყოფება, თუმცა იგეგმება მისი თბილისში გადაყვანა სპეციალიზირებულ კლინიკაში. დაინფიცირებულის ჯანმთელობის მდგომარეობა სტაბილურია
სოფელ მატანის შესასვლელ-გასასვლელში ამ დრომდე მოქმედებს სამედიცინო კარავი, სადაც მოქალაქეებს უტარდებათ თერმოსკრინინგი და უფასი PCR ტესტირება. სოფელში ეპიდსიტუაცია მას შემდეგ გართულდა, რაც ერთ-ერთ მაცხოვრებელს, რომელიც გორში ქორწილში იმყოფებოდა, ვირუსი დაუდასტურდა. ბოლო ინფორმაციით, მატანში 13 შემთხვევაა დადასტურებული.

კახეთიდან სამედიცინო ცენტრ „ციტოში“ 520 ნიმუშია გაგზავნილი და პასუხები დღეს ან ხვალ დილით გახდება ცნობილი.