საქართველომ არ დაუშვა თავისი ტერიტორიის გავლით სომხეთში იარაღის ტრანსპორტირება, რასაც ძალიან ვაფასებთ. ამის შესახებ აზერბაიჯანის პრეზიდენტმა, ილჰამ ალიევმა ჟურნალისტებთან საუბრისას განაცხადა.

ალიევის თქმით, საქართველო მოიქცა როგორც კეთილსაიმედო პარტნიორი და მეგობარი და ამისთვის აზერბაიჯანი მადლიერია.

სხვათა შორის, უნდა აღინიშნოს, რომ ძალია ვაფასებ საქართველოს მთავრობის მოქმედებებს ასეთი ვითარების დროს. როგორც იცით, საქართველომ არ დაუშვა თავისი ტერიტორიის გავლით სომხეთში იარაღის ტრანსპორტირება. სწორედ ამიტომაც, სომხეთი იძულებული გახდა იარაღია კასპიისპირა ქვეყნებისა და საჰაერო გზების მეშვეობით შეეტანა ქვეყანაში.

საქართველო მოიქცა როგორც ძალიან საიმედო პარტნიორი. მინდა, მადლობა გადავუხადო საქართველოს მთავრობას ამისათვის.

საქართველოს მთავრობას აღვიქვამთ, როგორს საიმედო პარტნიორსა და მეგობარს. მთავრობათაშორისი კავშირები ყოველდღე ძლიერდება. ბევრი მნიშვნელოვანი პროექტი ხორციელდება. უახლოეს მომავალში ჩვენი საგარეო საქმეთა მინისტრი ოფიციალური ვიზიტით ეწვევა საქართველოს.

ჩვენ გვაქვს ისტორიული კავშირები და საერთო ინტერესები. დღეს საქართველოსა და აზერბაიჯანს შორის ურთიერთობები და თანამშრომლობის განვითარება ემსახურება ორივე ქვეყნის ინტერესებს.

მინდა კიდევ ერთხელ გავიმეორო, რომ საქართველოსა და აზერბაიჯანის მთავრობები მჭიდრო კავშირში არიან ერთმანეთთან და ეს ასეც გაგრძელდება. ქართველმა ხალხმა კარგად იცის ვინ არის მათი მეგობარი და ვინ მათი მტერი", - განაცხადა ალიევმა.

შეგახსენებთ, 12 ივლისს აზერბაიჯანსა და სომხეთს შორის წამოწყებული სამხედრო კონფრონტაციის დროს, ერთ-ერთი აზერბაიჯანული გამოცემა ირწმუნებოდა, რომ სერბეთი სომხეთს იარაღს საქართველოს გავლით აწვდიდა. მაშინ საქართველოს საგარეო საქმეთა სამინისტრომ გავრცელებულ ცნობას დეზინფორმაცია უწოდა.