კორონავირუსით გარდაცვლილი 27-ე პაციენტი 54 წლის მამაკაცია
კორონავირუსით გარდაცვლილი 27-ე პაციენტი 54 წლის მამაკაცია, რომელიც ბათუმის რესპუბლიკურ საავადმყოფოში 20 ივლისს მოათავსეს. მას მძიმე თანმხლები დაავადებები ჰქონდა.
კორონავირუსის ახალი 265 შემთხვევიდან 168 აჭარაში გამოვლინდა.
ამ დროისთვის რეგიონის რვა კლინიკაში 486 პირი მკურნალობს, კოვიდსასტუმროებში – 812, ბინაზე ექიმების მეთვალყურეობის ქვეშ რჩება 300-მდე ინფიცირებული.
კორონავირუსით ინფიცირებულთა შორის 48 ბავშვია, 16 კი – ორსული.
დღეს რეგიონში კოვიდსასტუმრო 39-მა გამოჯანმრთელებულმა დატოვა.
