გიორგი ლილუაშვილი საკრებულომ მერის მოადგილის თანამდებობაზე დაამტკიცა
თბილისის მუნიციპალიტეტის საკრებულომ დავით ნარმანიას მოადგილის ვაკანტურ თანამდებობაზე გიორგი ლილუაშვილი დაამტკიცა. საკრებულოს სხდომაზე გიორგი ლილუაშვილის კანდიდატურა დეპუტატებს ვიცე-მერმა ლაშა აბაშიძემ წარუდგინა.
გიორგი ლილუაშვილმა საკრებულოს წევრებს სამომავლო გეგმები გააცნო და სხდომაზე დასმულ შეკითხვებს უპასუხა.
კენჭისყრაში მონაწილეობა 40-მა დეპუტატმა მიიღო, საიდანაც, 36-მა გიორგი ლილუაშვილის კანდიდატურას მხარი დაუჭირა.
