ბათუმში ავტოსაგზაო შემთხვევის შედეგად 1 ადამიანი გარდაიცვალა, 5 დაშავდა
ბათუმში, აეროპორტის გზატკეცილზე ცოტა ხნის წინ ავტოსაგზაო შემთხვევა მოხდა. აჭარის საზოგადოებრივი მაუწყებლის ინფორმაციით, გარდაცვლილია ერთი ადამიანი. დაშავდა ხუთი მოქალაქე, რომლებიც კლინიკაში გადაიყვანეს. ამ ეტაპზე მათ კვლევები უტარდებათ.
ადგილზე სასწრაფო სამედიცინო დახმარების რამდენიმე ჯგუფი იმყოფებოდა. მედიკოსებს შემთხვევის ადგილზე ერთი პირი გარდაცვლილი დახვდათ.
ერთმანეთს ორი ავტომობილი შეეჯახა. ადგილზე იმყოფებოდნენ სამართალდამცველები.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო.
