ბელარუსის დედაქალაქში საპროტესტო აქციებზე რამდენიმე ათეული ადამიანი დააკავეს. დღეს ბელარუსის ოპოზიციამ მინსკსა და სხვა ქალაქებში საპროტესტო აქციები „პოლიტპატიმრების განმათავისუფლებელი მარში“ გამართა. სამართალდამცველებმა აქციის მონაწილეების წინააღმდეგ წყლის ჭავლი გამოიყენეს.

დღეს საპროტესტო აქციებში რამდენიმე ათეული ათასი ადამიანი მონაწილეობდა.

ბელარუსში საპროტესტო აქციები 9 აგვისტოს, საპრეზიდენტო არჩევნების შემდეგ იმართება. ცესკოს მიერ დამტკიცებული შედეგების თანახმად, ამომრჩეველთა 80.1% -მა ხმა მისცა ლუკაშენკას, 10.12% - მის მთავარ მოწინააღმდეგეს სვიატლანა ციხანოუსკაიას.

აქციის მონაწილეები არჩევნების შედეგებს არ ეთანხმებიან და ხელახალი არჩევნების დანიშვნას მოითხოვენ. ხელისუფლება აქციების მონაწილეთა წინააღმდეგ ძალას იყენებს და ასობით ადამიანს აკავებს.

ევროკავშირი არჩევნების შედეგებს არ ცნობს და ლუკაშენკას ლეგიტიმურ პრეზიდენტად არ აღიარებს.