კორონავირუსით ინფიცირებული პაციენტებიდან, 58-ის მდგომარეობა მძიმეა
თბილისის ინფექციური საავადმყოფოს ბოქსირებული განყოფილების ხელმძღვანელ მარინა ენდელაძის განცხადებით, დღევანდელი მონაცემებით, მკურნალობის ეტაპზე მყოფი 4 518 კოვიდინფიცირებულიდან 58 პაციენტის მდგომარეობა მძიმეა.
„4 518 შემთხვევიდან 58 პაციენტი კრიტიკულად მძიმეა, მათგან რვა ოკუპირებული აფხაზეთიდან არის გადმოყვანილი“, – განაცხადა მარინა ენდელაძემ.
უშუალოდ ინფექციურ საავადმყოფოში, ამ ეტაპზე სულ 42 კოვიდინფიცირებული მკურნალობს, რომელთაგან ხუთი პაციენტის მდგომარეობა მძიმე, ხოლო ერთის კრიტიკულია.
